15.07.2024 | 17:17
312
ILTIMOS…
Har safar qishloqqa kelganimda, ko‘plab maqsadsiz yashayotgan odamlarni ko‘raman.
Yillab musofir yurtda qulday ishlab qaytgach, magazin va oshxonalarga ko‘rpa-yostiq qilib yotvolib, so‘nggi tiyini qolguncha, ba’zi ashaddiylari esa millionlab qarzga botib, shishani ko‘taradigan odamlarni ko‘raman.

Xudodan tilab olgan dilbandining kitobini, kiyar kiyimini, rizqini “xarobot ahli”g‘a ichirib, gazak qilayotgan hayfi otalarni ko‘raman.
Kechasi yarim tungacha ichib, oyoq va tildan qolgach xotini va bolasi yetaklab ketayotgan “tetapoya”larni ko‘raman.
…Do‘stim, sening ham maqsadlaring ulkan edi. Sen maktabda hammamizdan ikki barobar kuchli eding. Matematikada sendan ko‘chirib, “5” olardim. Hisob-kitoblarda beqiyos eding. Bugun qaysidir bir burchakda xo‘jayining beradigan kunlik choychaqaning hisobini chiqarolmay o‘tiribsan.
…Fizika darsida o‘zi uchadigan uchoq yasab kelganing, butun maktabni lol qoldirganing esimda. Kosmosga ucha oladigan layoqating bor edi.
Bugun qaysidir bir Xudo qarg‘agan joyda samagon ichib, “uchib” yotgandirsan…
Kimyoda birinchi bo‘lib Mendeleyev jadvalini yod olganing, molekulyar massalarni ko‘zingni yumib sharhlab berganing kechagidek ko‘z o‘ngimda.
Esla, do‘stim, bolaligingda dadang senga qaysi muhim gapni uqtirmagan edi?! O‘sha aytilmagan so‘zni esla…
Iltimos, o‘sha gapni bolangga ayt!
Doston RAHMAT
ÖZBEK-QOZOQ MADANIY HAMKORLIGI MUSTAHKAMLANMOQDA
Özbek va qozoq xalqlari tili, dini va madaniyati bilan bir-biriga çambarças boğlangan ellardir. Ajdodlarimiz ming yillar davomida yonma-yon yaşab, hayotning quvonç va taşvişlarini, yaxşi-yomon kunlarni birgalikda boşdan keçirib, taqdirdoş bölib kelişgan. Bu qardoşlik keyingi yillarda, ayniqsa, mustahkamlanib, yangiça mazmun va ruh bilan boyib bormoqda. Bu borada Özbekiston Respublikasi Prezidenti Şavkat Mirziyoyev hamda Qozoğiston Respublikasi Prezidenti […]
16.11.2026 | 14:34
87
“BIR ÇORAK ET”
Yaqin-yaqinlargaça xalq tilida, badiiy adabiyotda “Tört qadoq göşt”, “bir çirpit asal”, “ön tanob yer” kabi jumlalar işlatib kelinardi. Hozir esa bular nimani anglatişini deyarli unutib yubordik. Qirq yilça burun “bir aşmuşka çoy”, “tört yumaloq çoy” kabi sözlar savdoda, turmuşda köp işlatilardi. “Aşmuşka” deb eng kiçik çoy qadoği – ellik grammlik, özi kub şaklida bölsa ham, […]
12.11.2026 | 14:31
601
NON VA OŞ ŞAHRI
Yaqinda xorijlik oşnalarni kutib oldim. Uçoq tungi soat uçda qöndi. Ertalab sakkizda “Afrosiyob”da Buxoroga ketişlari kerak. Ölguday çarçaşgan, ramaqijon ahvolda. Özbekona taomilga köra, qönoqlar öziga kelsin deb palovxona sari boşladim. Uç xil oş çaqirdim. Non-çoy, aççiq-çuçuk degandek… Qiziği keyin boşlandi. Mehmonlar piyolaning çetiga ikki marta lab tekkizib, ajablanişdi: – I-ya, qardoş, çoyga şakar solinganmi?– Ha-da! […]
12.11.2026 | 09:27
600