Go‘zal Turkiston
0:00
/
Toshkent
temperature icon 11°C

“JADID” GAZETASINING YANGI SONIDA: ✏️Usmon NOSIR: BOĞIM ✏️Iqbol MIRZO: KELAJAK UÇUN MAS’ULIYAT ✏️Gulçehra UMAROVA: ASRNI BÖYLAGAN ADIB ✏️Komil SINDOROV: “JAVOHIR SINDOROVNING BOBOSI BÖLIB TANILDIM“ ✏️E’zozxon KARIMOVA: MILLIY YUKSALIŞ SARI ✏️Orif ODILOV: ÖZBEK-QOZOQ MADANIY HAMKORLIGI MUSTAHKAMLANMOQDA ✏️Nusratullo JUMAXÖJA: TADQIQOT-ROMAN ✏️Abbos ŞOYIMOV: XALQARO MEDIAFORUM ✏️Zikrilla MUHAMMAD: ANQARADA ADABIYOT BAYRAMI ✏️Ikrom BÖRIBOYEV: KEÇA VA BUGUN ✏️Muhayyo RUSTAMOVA: OG‘RIQ NUQTA ✏️Abdulhamid MUXTOROV: UYLAR SOYASIDA QOLAYOTGAN SAVOLLAR ✏️Jasmina ISROIL: SYUKURO MANABE – IQLIMŞUNOSLIK “OB-HAVOSI”NI ÖZGARTIRGAN NOBELÇI ✏️Rustambek ŞAMSUTDINOV: QONLI JILD ✏️Alişer SANDIBOYEV: SAMARQAND NEÇA YOŞDA? ✏️Nigina ISKANDAROVA: “KITOB, MENING DÖSTIMSAN” ✏️Jamoliddin BADALOV: “OLTIN QALAM” UMMON ORTIDA

TAVSIYA QILAMIZ


23.09.2024 | 11:02

img346

DUONING IJOBATI

‒ Nodirbek Abdusattorov, O‘zbe­kiston Qahramoni, xalq shoiri Erkin Vohidov bilan tushgan surati­ngizga tez-tez duch kelamiz. Ushbu surat ­ta­ri­xi haqida aytib bersangiz.
‒ Sevimli shoirimiz Erkin Vohidov bilan uchrashganimda 8 yosh edim. 2012-yilda Sloveniyaning Maribor shahrida shaxmat bo‘yicha bolalar va yoshlar o‘rtasida o‘tkazilgan jahon chem­pionatida g‘oliblikni qo‘lga kiritdim. O‘sha yili Toshkent shahrida jahonning supergrossmeysterlari ishtirokida Xalqaro shax­mat federatsiyasi (FIDE)ning Gran-pri uchrashuvlari o‘tkazildi. Ushbu musobaqalar­ning ochilish marosimiga meni ham taklif etishdi.
Men bu yerda ko‘p taniqli shaxslar bilan uchrashdim. Ammo qattiq hayajon­langanim, yoshim kichikligi sababli kimlar bilan suhbatlashganim, suratga tushgan­ligimni to‘liq tasavvur qilolmasdim. Keyin­chalik, yoshim ulg‘ayganidan so‘ng bil­dimki, o‘sha marosim menga unutilmas in’om­lar bergan ekan.
O‘shanda shoir Erkin Vohidov yonimga kelib, bobolarcha mehr bilan peshonamdan o‘pib qo‘ygan edi. Ustoz shoir­ning nurli tabassumi, mehrli ovozi xotiramga muhrlanib qoldi.
“Kel, o‘g‘lim, bir rasmga tushib qo‘yay sen bilan. Alloh omadingni bersin. Bolam, kattalar orasida ham jahon chempioni bo‘lgin”, deb duo qildi. O‘shanda gazetasida shaxmatga bag‘ish­langan maqolasi chiqishini, birga tushgan suratimizni unga ilova qilishini aytgandi.
Shoirimizni ustoz desam erish tuyul­masmikan? Zero, u kishining shax­mat­ga bo‘lgan muhabbati, dona surish­dagi mahorati haqida bir qancha manbalarda o‘qir ekan­man, o‘zimda ustoz deyishga jur’at topdim. Mana, oradan yillar o‘tib qayta-qayta chempion bo‘ldim. Agar Erkin Vohidov hayot bo‘lganlarida duolari ijobat bo‘la boshlaganini o‘z ko‘zlari bilan ko‘rgan bo‘lardi. Menda unutilmas xotiralar va mana shu qimmatli surat qoldi.

‒ Chempionimiz sport mashg‘u­lot­laridan ortib, mutolaaga ham vaqt ajratadimi?
‒ Albatta. O‘zimning shaxsiy kutub­xonam bor. Unga 300 dan ortiq kitob­larni yig‘ganman. Ularning asosiy qismini shaxmatga bag‘ishlangan kitob­lar tash­kil qiladi. Badiiy adabiyotlarni elek­tron shaklda o‘qiyman, audio shaklda eshitaman. Xorijiy tillarni o‘rganish qulay bo‘lishi uchun navbat bilan rus va ingliz tillarida yozilgan kitoblarni ham o‘qiyman. Qolaversa, jahon adabiyotini o‘z tilida o‘qishning o‘zgacha gashti bor. Endi navbat milliy adabiyotimiz durdonalariga.

Biz Nodirbekka yangi zafarlar tilab qolamiz. Erkin Vohidov yozganidek:
Shaxmat ko‘p o‘ynalgan, she’r ko‘p yozilgan,
Odatiy yurishlar hammamizga yod.
Bobolar o‘ynagan o‘yinlar bilan
Ular nabirasin qilib bo‘lmas mot.

Otabek BAKIROV,
Facebook

 “Jadid” gazetasining 2024-yil 20-sentyabrdagi 39-sonida


ÖZBEK-QOZOQ MADANIY HAMKORLIGI MUSTAHKAMLANMOQDA

Özbek va qozoq xalqlari tili, dini va madaniyati bilan bir-biriga çambarças boğlangan ellardir. Ajdodlarimiz ming yillar davomida yonma-yon yaşab, hayotning quvonç va taşvişlarini, yaxşi-yomon kunlarni birgalikda boşdan keçirib, taqdirdoş bölib kelişgan. Bu qardoşlik keyingi yillarda, ayniqsa, mustahkamlanib, yangiça mazmun va ruh bilan boyib bormoqda. Bu borada Özbekiston Respublikasi Prezidenti Şavkat Mirziyoyev hamda Qozoğiston Respublikasi Prezidenti […]

16.11.2026 | 14:34

img83

“BIR ÇORAK ET”

Yaqin-yaqinlargaça xalq tilida, badiiy adabiyotda “Tört qadoq göşt”, “bir çirpit asal”, “ön tanob yer” kabi jumlalar işlatib kelinardi. Hozir esa bular nimani anglatişini deyarli unutib yubordik. Qirq yilça burun “bir aşmuşka çoy”, “tört yumaloq çoy” kabi sözlar savdoda, turmuşda köp işlatilardi. “Aşmuşka” deb eng kiçik çoy qadoği – ellik grammlik, özi kub şaklida bölsa ham, […]

12.11.2026 | 14:31

img598

NON VA OŞ ŞAHRI

Yaqinda xorijlik oşnalarni kutib oldim. Uçoq tungi soat uçda qöndi. Ertalab sakkizda “Afrosiyob”da Buxoroga ketişlari kerak. Ölguday çarçaşgan, ramaqijon ahvolda. Özbekona taomilga köra, qönoqlar öziga kelsin deb palovxona sari boşladim. Uç xil oş çaqirdim. Non-çoy, aççiq-çuçuk  degandek… Qiziği keyin boşlandi. Mehmonlar piyolaning çetiga ikki marta lab tekkizib, ajablanişdi: – I-ya, qardoş, çoyga şakar solinganmi?– Ha-da! […]

12.11.2026 | 09:27

img596