Go‘zal Turkiston
0:00
/
Toshkent
temperature icon 10°C

“JADID” GAZETASINING YANGI SONIDA: ✏️Usmon NOSIR: BOĞIM ✏️Iqbol MIRZO: KELAJAK UÇUN MAS’ULIYAT ✏️Gulçehra UMAROVA: ASRNI BÖYLAGAN ADIB ✏️Komil SINDOROV: “JAVOHIR SINDOROVNING BOBOSI BÖLIB TANILDIM“ ✏️E’zozxon KARIMOVA: MILLIY YUKSALIŞ SARI ✏️Orif ODILOV: ÖZBEK-QOZOQ MADANIY HAMKORLIGI MUSTAHKAMLANMOQDA ✏️Nusratullo JUMAXÖJA: TADQIQOT-ROMAN ✏️Abbos ŞOYIMOV: XALQARO MEDIAFORUM ✏️Zikrilla MUHAMMAD: ANQARADA ADABIYOT BAYRAMI ✏️Ikrom BÖRIBOYEV: KEÇA VA BUGUN ✏️Muhayyo RUSTAMOVA: OG‘RIQ NUQTA ✏️Abdulhamid MUXTOROV: UYLAR SOYASIDA QOLAYOTGAN SAVOLLAR ✏️Jasmina ISROIL: SYUKURO MANABE – IQLIMŞUNOSLIK “OB-HAVOSI”NI ÖZGARTIRGAN NOBELÇI ✏️Rustambek ŞAMSUTDINOV: QONLI JILD ✏️Alişer SANDIBOYEV: SAMARQAND NEÇA YOŞDA? ✏️Nigina ISKANDAROVA: “KITOB, MENING DÖSTIMSAN” ✏️Jamoliddin BADALOV: “OLTIN QALAM” UMMON ORTIDA

TAVSIYA QILAMIZ


21.08.2024 | 12:24

img362

“SHUNCHA BO‘LURMI, HAY-HAY…”

Eskirsayam esi kirmagan birovlarni aytishicha, insonni chipor tovuqdan farqi shuki, unga don-suvdan ko‘ra, shov-shuv, oldi-qochdi zaril ekan. Qanaqasiga deyishga shoshmay turing.

Hozirgi uzunquloq za­mon­da eng bozorgir matoh bu – shir yalang‘och vayn va beta­yin latifalar bo‘p qoldi. Qo‘pol bo‘lsayam aytay, xalqimizda nega kulasan, ochib qo‘yibdimi, degan gap bor. Obunachi yig‘aman, zumda olami jahonga mashhur bo‘laman, deb umrida teatr-u kino chiptasini iskab ko‘rmagan mishiqinus­xa­lar hamma narsani “ochib qo‘yib” sahnalashtirilgan sharmandalik­larni tarqa­tish­yapti. Bu ITdan tarqagan lavhalarni yarmi keks, qolgani notekis, tavbangdan ketay…

 Mana, bir jigit minan qiz quva­lashib, oshxonaga chiqib qoldi. Ikkoviniyam qo‘lida tilpon. Er jonivor “yana bittagina… xop degin”, desa, xotin hindi kino artis­la­ri­ga o‘xshab buralganicha “bir kunda bir marta”, deb chan­don yo‘rg‘alaydi. Yigitcha “kel endi, yana bir marta, o‘lib qol­may­san”, deya ichkari tortib ketdi. Videoga olayotgan zang‘ar jigit­danam sho‘xakan, farosati bi­lan qo‘ydi-chiqdi bo‘lgan er-xotinni or­qa­sidan yotoqxonaga oshiqib kirib ketdi.

Ishqilib, atrofda u-bu kim ko‘­rib turmayaptimikan, deb alang­­la­gu­nimcha, ichkarida bir-biri­ni oyog‘i tomoniga bosh uza­tib yotvolgan ikki befarosat sha­qil­latib… shaqillatib pabji o‘ynayapti. Jigit o‘lgur buytib xayolni quyunga tortib, shuytib ayolni o‘yinga tor­tib turgan jeri eka-a-a-n.

Feysbukni Quddus mikroskop dayusbuk deganicha bor ekan. Birov bu kimning qizi, kimning singlisi-yu kelini demaydi-ya. Ba­­sha­­rasiga to‘ng‘iz terisini tor­tib, allambalo makiyaj urgan bu oyim­til­lalarniyam ori qo‘ziydigan hech kimi yo‘g‘mikin?! Tavba…

Katta sahnalarga chiqib, ming­lab erkak­lar yonida bedana yurish-u churrak turish qilib, jalloblik kasb etgan, og‘zidan chiqqan be­par­da gapga Qo‘qonning qo‘y­­bo­zo­ridagi dallollar do‘ppi­si­ni ko‘ndalang tishlab qoladigan “zai­fa”­larning tirikchiligini nima deb atash mum­kin?

Bunaqada “Dizayn”u “Mil­lion”­­lar changingda qop ke­­tadi-yu, ba­ra­ka topkurlar!

Qo‘shnimni boshlang‘ich sinf­­da o‘qiydigan qizchasi­ni o‘l­chami­dagi yengi yo‘q ko‘ylakka oq­ayiqday gavdasini tiqqan bir juvon o‘zini reklom urib chiqqanida, bechora bo‘z yigitlarga rah­mim kelgandi. Tik-tok degan bir baloyi ofatni nomini eshitsam yura­gim g‘ashiqqan qop­londay irillaydi. O‘qig‘uchiga og‘ir kelma­sin, deb eng odobli lavhalarni kel­tir­­yap­man.

Mana yana bittasi: ikki ­dugona – yosh qizlar katta yo‘lda mayda qadamlar bilan sollanib, bir-biriga suyanib kelisharkan, bir yigitcha archa ortidan olimpia­da marafonchisiday halloslab yugurib chi­qib qoldi. Salom-alik­niyam start nuqtasidagi kalta ishtonida qol­dirgan shekilli, to‘­sat­dan savol beryapti: “Qizla, silaga savol, dunyodagi eng zaharli ilon nima uchun o‘z zahridan zaharlanib o‘lmaydi?” Ushbu donishsifat so‘rov egasiga aqli Eyfelga yetgan qiz javob-so‘rog‘i bilan aperkot qo‘ydi: “Oka, sizgayam bir sovolde, ne dunyodegi eng baquvvat erkeyam o‘zining “zahridan” ikkiqat bo‘pqomedi?” Ana sizga latofat-u, mana sizga fasohat!

Bir maslahat: qadim za­mon­larda qiz so‘rab borgan sovchi­lar bo‘la­jak quda tomonning urug‘-­aymog‘i-yu, nasl-u nasabini surish­ti­rar­di. Kelin taraf ham ku­yov bo‘lmishning kasb-u kori, kasallik varaqasini taftish etar­di. Menimcha, endi nomzod tomon­ning tilponini amal-taqal qo‘l­ga kiri­tish kifoya.

P/S: Sen menga bolang qay­si tarmoqqa kirishini ayt, men se­ning kimligingni aniq aytib beraman (zamonaviy maqol).

Mulla XUNOB


ÖZBEK-QOZOQ MADANIY HAMKORLIGI MUSTAHKAMLANMOQDA

Özbek va qozoq xalqlari tili, dini va madaniyati bilan bir-biriga çambarças boğlangan ellardir. Ajdodlarimiz ming yillar davomida yonma-yon yaşab, hayotning quvonç va taşvişlarini, yaxşi-yomon kunlarni birgalikda boşdan keçirib, taqdirdoş bölib kelişgan. Bu qardoşlik keyingi yillarda, ayniqsa, mustahkamlanib, yangiça mazmun va ruh bilan boyib bormoqda. Bu borada Özbekiston Respublikasi Prezidenti Şavkat Mirziyoyev hamda Qozoğiston Respublikasi Prezidenti […]

16.11.2026 | 14:34

img87

“BIR ÇORAK ET”

Yaqin-yaqinlargaça xalq tilida, badiiy adabiyotda “Tört qadoq göşt”, “bir çirpit asal”, “ön tanob yer” kabi jumlalar işlatib kelinardi. Hozir esa bular nimani anglatişini deyarli unutib yubordik. Qirq yilça burun “bir aşmuşka çoy”, “tört yumaloq çoy” kabi sözlar savdoda, turmuşda köp işlatilardi. “Aşmuşka” deb eng kiçik çoy qadoği – ellik grammlik, özi kub şaklida bölsa ham, […]

12.11.2026 | 14:31

img601

NON VA OŞ ŞAHRI

Yaqinda xorijlik oşnalarni kutib oldim. Uçoq tungi soat uçda qöndi. Ertalab sakkizda “Afrosiyob”da Buxoroga ketişlari kerak. Ölguday çarçaşgan, ramaqijon ahvolda. Özbekona taomilga köra, qönoqlar öziga kelsin deb palovxona sari boşladim. Uç xil oş çaqirdim. Non-çoy, aççiq-çuçuk  degandek… Qiziği keyin boşlandi. Mehmonlar piyolaning çetiga ikki marta lab tekkizib, ajablanişdi: – I-ya, qardoş, çoyga şakar solinganmi?– Ha-da! […]

12.11.2026 | 09:27

img600