Go‘zal Turkiston
0:00
/
Toshkent
temperature icon 10°C

“JADID” GAZETASINING YANGI SONIDA: ✏️Usmon NOSIR: BOĞIM ✏️Iqbol MIRZO: KELAJAK UÇUN MAS’ULIYAT ✏️Gulçehra UMAROVA: ASRNI BÖYLAGAN ADIB ✏️Komil SINDOROV: “JAVOHIR SINDOROVNING BOBOSI BÖLIB TANILDIM“ ✏️E’zozxon KARIMOVA: MILLIY YUKSALIŞ SARI ✏️Orif ODILOV: ÖZBEK-QOZOQ MADANIY HAMKORLIGI MUSTAHKAMLANMOQDA ✏️Nusratullo JUMAXÖJA: TADQIQOT-ROMAN ✏️Abbos ŞOYIMOV: XALQARO MEDIAFORUM ✏️Zikrilla MUHAMMAD: ANQARADA ADABIYOT BAYRAMI ✏️Ikrom BÖRIBOYEV: KEÇA VA BUGUN ✏️Muhayyo RUSTAMOVA: OG‘RIQ NUQTA ✏️Abdulhamid MUXTOROV: UYLAR SOYASIDA QOLAYOTGAN SAVOLLAR ✏️Jasmina ISROIL: SYUKURO MANABE – IQLIMŞUNOSLIK “OB-HAVOSI”NI ÖZGARTIRGAN NOBELÇI ✏️Rustambek ŞAMSUTDINOV: QONLI JILD ✏️Alişer SANDIBOYEV: SAMARQAND NEÇA YOŞDA? ✏️Nigina ISKANDAROVA: “KITOB, MENING DÖSTIMSAN” ✏️Jamoliddin BADALOV: “OLTIN QALAM” UMMON ORTIDA

TAVSIYA QILAMIZ


12.04.2024 | 13:29

img365

GULLARGA KO‘MILGAN OQSHOMLAR

21-ASRGA AYTARIM

Zamin bekor aylanmas ekan,

Vaqt fazoda fitna tugadi.

Yulduzlarning gohi-gohida

Yer shariga ko‘zi tegadi.

Yo‘q, shunchaki nur sochmas quyosh,

Tutqun singil – Oy to‘lmas bekor.

Tovonimga kirgan tikanning

Yupiterda hisoboti bor.

Tili bo‘lsa aytsin dengizlar,

Esi bo‘lsa tushunsin odam.

Yupanch uchun kelmas kunduzlar,

Qo‘rquv uchun tug‘ilmas tun ham.

Yo‘q, bekorga aylanmaydi Arz,

G‘am, shodlikda muvozanat bor.

Faqat qaytib qutulinar qarz,

Katta, juda katta hisob bor.

Juda katta dargoh bor – beshak,

Juda ulug‘ nigohni ko‘rdim.

Bobom otgan ona Mamontning 

Gunohiga men qo‘rqib turdim.

Tomirdagi qonim ko‘p qadim,

Garchi ko‘p bor tig‘ urdi riyo.

Rasululloh tahoratidan

Qolgan suvga yuz chaygil, Dunyo.

Ey, sen, ko‘kka bir bor boqmagan,

Ruhi – bandi, mudragan yurak.

Bolang “non” deb qo‘l cho‘zgan payti,

Senga Quddus nimaga kerak!?

Panamangni yechgin boshingdan,

Men do‘ppimni olay qo‘limga.

Mahatmani otgan qotil ham

Kimga o‘xshar, sengami, menga?

Bunda chekma – dimiqdi olam,

Ruhiyatni tutunlar quchdi.

Uyg‘onolmay chirpanar bolam,

Oyoqlari Ozonni teshdi.

Brunoni yoqib, so‘ng uning

Yorug‘ida o‘q yo‘ngan, ey, kin,

Sharq ko‘targan mash’ala tomon

Yetsin, deya aylanar zamin.

Bir karvonda ketayotirmiz,

Ketayapmiz, yo‘ldoshim, ishon.

Nechun sovuq zerikishingga

Payg‘ambarlar bo‘lsinlar nishon?

Aytmay desam, aytmoq – menga farz,

Yozmay desam, yurak to‘la she’r.

Boqqil, qanday kengdir bu olam,

Qara qanday aylanadi yer.

Beshik kabi chayqaladi yer.

UMID 

Olloh, chaqirdingmi uyingga meni,

Uchib boramanmi uch kundan keyin?

Toshib ketayapti ko‘krakdan ruhim,

Rabbim, huzuringda turish ham qiyin.

Qancha umidim bor, qancha niyat bor,

Yuragim qamalgan qushlarga to‘la.

Har sezgan tuyg‘umda Sen bor, hikmat bor,

Barin aytolmayman, axir bir yo‘la…

Barchasin bilasan, o‘zing bilasan,

Ammo yuragimda bitta istak bor!

Ka’bangni aylanib o‘tayotgan dam,

Oldimdan onamni chiqargin, G‘affor!

* * * 

Uchmaydigan odat chiqardi bu qush,

Bu qush zor-u nolon sayramay qo‘ydi.

Ey, dunyo, don-suving etdimi sarxush,

Yoxud u taqdirga ishonmay qo‘ydi.

Yurak tomib turgan tumshuqlarida,

Ne hislarni tashib keltirardi u.

Uzlat ayvonidan horg‘in termulgan

Shoirlarga og‘riq keltirardi u.

Tosh emasligini, qush ekanini,

Uchmoq va bo‘zlamoq – qismati tanho,

Ekanin eslatib ilhom ber, Rabbim!

Yerga qo‘nolmasdan bo‘lsa ham fido!

Shunga ko‘nolmasdan bo‘lsa ham ado,

Unga termulgancha tugaydi sabrim.

Hatto qushga qanot nechun berilgan – 

Eslatib turmasang, bo‘lmaskan, Rabbim!

* * *

Gaplashgisi keladi goho,

Qo‘ng‘iroq qilgisi keladi.

Gohida ko‘zimga tik qarab,

Barisin bilgisi keladi.

Gohida bo‘ladi shunday hol – 

Yulduzday to‘lgisi keladi.

Bilaman, ne ajab bilaman – 

U baxtli bo‘lgisi keladi.

Gohida olovday tarmashib,

Chovutlar solgisi keladi.

So‘ng esa burchakda, uvullab,

Yuzlarin tilgisi keladi.

Gohida dunyoning yuzidan 

Hijobin yulgisi keladi.

Ketishga hozirlik ko‘rib, so‘ng,

Yonimda qolgisi keladi.

Gullarga ko‘milgan oqshomlar

Negadir o‘lgisi keladi.

O‘lgisi keladi – bir marta,

Qo‘limda o‘lgisi keladi.

Bu ayol… ko‘zlari – juft qadah,

Men bilan to‘lgisi keladi.

Ko‘nglimni – Xudoning torini

Bir o‘zi chalgisi keladi.

Ba’zida sahroda tosh kabi,

Bir o‘zi qolgisi keladi.

Gohida qo‘lida telefon…

Qo‘ng‘iroq qilgisi keladi..

MUNOJAT

Menga ham kimlardir qilar qo‘ng‘iroq,

Aytgilari kelar tashvishlarini.

Ichimga olisdan yoqarlar chiroq,

Go‘yo bajaraman yumushlarini.

Men ham birovlarni yo‘qlayman goho,

Nelardir so‘ylayman, dodim aytaman.

Ammo hech kim yo‘qdir – tubimga boqsam…

Xudoyim, o‘zingga qaytaman!

Seni menga, meni Senga bog‘lagan,

Eng inja sababing, umrimdan cho‘ngroq.

Yaratganing garchi behisob, ammo

Menga ham kimlardir qilar qo‘ng‘iroq.

Bo‘yin tomirdan ham yaqin qo‘llaring,

Sezaman, tunlari barmoqlaringni.

Bandangdan so‘ratib sarson qilmagin,

Qoshingga ne bilan bormoqligimni,

Qaysi libos bilan turmoqligimni

Shodmonqul SALOM

2024-yil 26-yanvar 5-son


ÖZBEK-QOZOQ MADANIY HAMKORLIGI MUSTAHKAMLANMOQDA

Özbek va qozoq xalqlari tili, dini va madaniyati bilan bir-biriga çambarças boğlangan ellardir. Ajdodlarimiz ming yillar davomida yonma-yon yaşab, hayotning quvonç va taşvişlarini, yaxşi-yomon kunlarni birgalikda boşdan keçirib, taqdirdoş bölib kelişgan. Bu qardoşlik keyingi yillarda, ayniqsa, mustahkamlanib, yangiça mazmun va ruh bilan boyib bormoqda. Bu borada Özbekiston Respublikasi Prezidenti Şavkat Mirziyoyev hamda Qozoğiston Respublikasi Prezidenti […]

16.11.2026 | 14:34

img88

“BIR ÇORAK ET”

Yaqin-yaqinlargaça xalq tilida, badiiy adabiyotda “Tört qadoq göşt”, “bir çirpit asal”, “ön tanob yer” kabi jumlalar işlatib kelinardi. Hozir esa bular nimani anglatişini deyarli unutib yubordik. Qirq yilça burun “bir aşmuşka çoy”, “tört yumaloq çoy” kabi sözlar savdoda, turmuşda köp işlatilardi. “Aşmuşka” deb eng kiçik çoy qadoği – ellik grammlik, özi kub şaklida bölsa ham, […]

12.11.2026 | 14:31

img601

NON VA OŞ ŞAHRI

Yaqinda xorijlik oşnalarni kutib oldim. Uçoq tungi soat uçda qöndi. Ertalab sakkizda “Afrosiyob”da Buxoroga ketişlari kerak. Ölguday çarçaşgan, ramaqijon ahvolda. Özbekona taomilga köra, qönoqlar öziga kelsin deb palovxona sari boşladim. Uç xil oş çaqirdim. Non-çoy, aççiq-çuçuk  degandek… Qiziği keyin boşlandi. Mehmonlar piyolaning çetiga ikki marta lab tekkizib, ajablanişdi: – I-ya, qardoş, çoyga şakar solinganmi?– Ha-da! […]

12.11.2026 | 09:27

img600