Go‘zal Turkiston
0:00
/
Toshkent
temperature icon 9°C

“JADID” GAZETASINING YANGI SONIDA: ✏️Usmon NOSIR: BOĞIM ✏️Iqbol MIRZO: KELAJAK UÇUN MAS’ULIYAT ✏️Gulçehra UMAROVA: ASRNI BÖYLAGAN ADIB ✏️Komil SINDOROV: “JAVOHIR SINDOROVNING BOBOSI BÖLIB TANILDIM“ ✏️E’zozxon KARIMOVA: MILLIY YUKSALIŞ SARI ✏️Orif ODILOV: ÖZBEK-QOZOQ MADANIY HAMKORLIGI MUSTAHKAMLANMOQDA ✏️Nusratullo JUMAXÖJA: TADQIQOT-ROMAN ✏️Abbos ŞOYIMOV: XALQARO MEDIAFORUM ✏️Zikrilla MUHAMMAD: ANQARADA ADABIYOT BAYRAMI ✏️Ikrom BÖRIBOYEV: KEÇA VA BUGUN ✏️Muhayyo RUSTAMOVA: OG‘RIQ NUQTA ✏️Abdulhamid MUXTOROV: UYLAR SOYASIDA QOLAYOTGAN SAVOLLAR ✏️Jasmina ISROIL: SYUKURO MANABE – IQLIMŞUNOSLIK “OB-HAVOSI”NI ÖZGARTIRGAN NOBELÇI ✏️Rustambek ŞAMSUTDINOV: QONLI JILD ✏️Alişer SANDIBOYEV: SAMARQAND NEÇA YOŞDA? ✏️Nigina ISKANDAROVA: “KITOB, MENING DÖSTIMSAN” ✏️Jamoliddin BADALOV: “OLTIN QALAM” UMMON ORTIDA

TAVSIYA QILAMIZ


13.04.2024 | 13:16

img372

Qadam bossam gullaydi chechak

* * *

Ko‘zlaringda bordek bahorim,

Ko‘zlaringda mening xumorim.

Angladimki, ko‘zlaringdadir

Yaratganning menga izhori.

Ko‘zlaringda ko‘zimni topsam,

Ko‘zlaringda izimni topsam.

Oqib borib qirg‘oqlarida

Eng pokiza so‘zimni topsam.

Ko‘zlaringda tonglarim otsa,

Ko‘zlaringga armonim botsa.

Umrimning har soniyalari

Ko‘zlaring-la ko‘zimda qotsa.

Ko‘zlaringda kulsa g‘amlarim,

Gʻam gullagan oniy damlarim.

Yoqar bo‘lsam, ko‘zingga yoqqum

Umidimning butun shamlarin.

Ko‘zlaringni ko‘zimga qada,

Ko‘zlaringni o‘zimga ata.

Unib chiqsin dilistoningdan

Ikkimizga atalgan qadar.

Ko‘zlaringda ko‘zim tavofi,

Ko‘zlaringda umrim savobi.

Agar bilsang, ko‘zlaringdadir

Borligimning mangu javobi.

Nargiza OXUNOVA

* * *

Sog‘inaman. Kutaman.

Ostonamdan o‘tolmaydi vaqt.

Sen ketding-u, kelmay qoldi –

Shodlik va’da qilgan baxt.

Ko‘zlarimni yumib yashadim –

Hijroningda kuymay deb.

Lablarimni yamab yashadim –

Firoqingni kuylamay deb.

Biroq

Tomir uyg‘oq, ruh uyg‘oq –

Qo‘yarmidi hissiz, tuyg‘usiz?!

Gʻamlab olib sabrdan ko‘proq

Izlab ketdim o‘zligim sensiz…

Guli Nigor AVAZOVA

* * *

Bir sandiq so‘z

O‘z sepimga hayajonda ko‘z soldim:

Birdan qamashib ketdi ko‘z oldim.

Eng sara, eng go‘zal, eng dilbar –

Onam sepimga bir sandiq So‘z soldi.

Bu so‘zlarni so‘zlaganda el dadil!

Bu so‘zlarni so‘zlaganda er dadil!

Bu so‘zlarni so‘zlaganda men – dadil!

Ular meni baxt tomonga eltadi,

Bir sandiq So‘z bir umrga yetadi!

“Alla, bolam, alla”, desam bolamga.

“Assalomu alaykum”, deb olamga.

“Xush keldingiz, xush ko‘rdik”, deb bot-bot

Bir sandiq sepimga ko‘ngan odamga!

Atlas so‘zlar, adras so‘zlar, bo‘z so‘zlar,

Shoyi-ipak so‘zlar, banoras so‘zlar,

Baxmal so‘zlar,

movut so‘zlar, xos so‘zlar,

Xoksor so‘zlar, balandparvoz so‘zlar!

Onam yana solibdi bir nayqamish.

Momolarning o‘gitini payqamish:

Uyda ona tili jaranglab tursa,

Yov bostirib kirgani ham hayiqa(r)mish!

Yana takror sandiqchaga ko‘z soldim.

O‘z qizimga qoldirgani qarz oldim.

Eng shirin, eng achchiq va mukammal –

Onam sepimga bir sandiq so‘z soldi!

Kumush ABDUSALOMOVA

* * *

Meni qaytadan chiz,

Bo‘yog‘ing yetsa,

Bor sovuq ranglarni yuborgin sarflab.

Bu daydi ruhimni

Ha, ayni shu kez

Tomchilardek yuvib ketmoqda harflar.

Meni qaytadan chiz,

To‘qnashmasin hech

Ojiz siyratimda qoralar, oqlar.

Daraxt tanasidan tomgan shiradek

Ko‘rinib to‘kilsin ko‘nglimdan dog‘lar.

Meni chiz,

Axir, men tugallanmadim,

Mudom og‘riq berar yakunsiz qismim.

Ruhimga moslab chiz vujudimni ham

O, shunda ne shakl topajak jismim?

Chizaver,

Chaplayver, ranglar dodlasin,

Ko‘zimni qadahdek tasvirga yo‘g‘ir.

Nigohim to‘kilsa, tuproq yodlasin,

Maysalar yig‘lasin istig‘for o‘qib.

Meni qaytadan chiz…

Madina NORCHAYEVA

* * *

Bolalik chog‘imda

rahmatli bobom

hovlimiz ortida turgan qirlarni

ko‘rsatib der edi:

“Mana shu qirlar

bir kun tog‘ bo‘lar!

Agar odamlar

ustiga chiqqancha tepkilashmasa”.

Qo‘ltiqtayog‘ida qiynalmay yurib

(men shunday o‘ylardim har holda),

Qirning etagiga eltardi meni.

“Qara”, – derdi, jimirlab turgan

jimitday buloqqa niqtab barmog‘in.

– Mana shu buloq

hammaga yetar,

agar odamlar,

bo‘g‘ib qo‘ymasalar yoshli ko‘zini…

Bu gaplarga ancha vaqt bo‘lgan.

Buloq qurib bitdi,

Bobom ham…

Qirlar nima bo‘ldi dersiz,

Qirla-ar!

Qirlarni sog‘inaman!

Biroq borgim kelmaydi

qishloqqa sira.

Borsam yig‘latar –

O‘z bo‘yidan oshmagan qirlar!..

Feruza XAYRULLAYEVA

 * * *

Nimyorug‘ xonaning bir burchi horgan,

Qo‘lingiz tonggacha qalamga tutqun.

Xayoldan bu holni olib, devorga

Soyangizni chizib o‘ltiradi U.

Shamolga aylanib keladi goho

Qanot bog‘lay deya qog‘ozlariga.

Siz bor hovuchlarga to‘lar “iloho!”,

Tebranib ketasiz ovozlarida.

Qarshingizdan chiqsa, titroq yugurib,

Nafasi bo‘g‘zida bo‘linar yarim.

Ko‘zingiz ko‘ziga to‘qnashmay turib

Sochilib yayraydi ko‘zmunchoqlari…

Intiq ko‘changizdan o‘tmagan hamon,

Uning ham ko‘chasi ko‘rmagan sizni.

Yuz bor suhbatida bo‘lgansiz, ammo,

Tanimaysizmi?

Bilmaysiz, bir qizki, o‘ylari harir,

U sevgan dengizdek nigohingiz jim,

Birov payqamasin deya, tunlari

Tushiga berkitib uxlaganlarin.

Siz so‘zga burkaysiz uni tamoman,

Kun kelar,

o‘shandan boshlanadi kun.

Bir umr yop-yorug‘ xona ichra ham

Soyangizga do‘nib o‘ltiradi U!..

Nozima HABIBULLAYEVA

* * *

Qadam bossam gullaydi chechak,

Yurgan yo‘lim – o‘tmishdagi bog‘.

Qo‘llarimni tutaman senga,

Gulbog‘imga qo‘ndirmagin zog‘.

Oramizda Amu oqar tinch,

Osmondagi yulduzlarcha kek.

Umidlarga qanoting bog‘lab

O‘zing birlan yashnat g‘unchadek.

Yaqin qolmish baxtning qasriga,

Mening uchun yasalar taxtim.

O‘zgalardan axtarmoq nechun?

O‘zligimda yashaydi baxtim.

Sarvinoz TULIYEVA

* * *

Qanday yashashgan ekan

Qadimdagi odamlar,

Hali o‘chirg‘ich degan

Narsa bo‘lmagan damlar?

Yozishgandir bexato

Nazarimda u paytlar.

Yozishmagandirlar yo

Oshiqlar ishqiy baytlar?..

Yo‘q! Asli qadimdan ishq

Har qalbga soya tashlar.

Bunga guvohdir bag‘ri

O‘yilgan qoya toshlar.

O‘sha yozuvlar hanuz

Yo‘qolmagan, ko‘chmagan.

Qancha qor-yomg‘irlarning

Ostida ham o‘chmagan!..

Dunyo o‘zgargan sayin,

O‘zgardi butkul zamon.

Bugun hamma narsaga

Topiladi bir imkon.

Qog‘oz qoralab tunlar

Qalb qushim uchiraman.

She’r to‘kilar qalamdan,

Yoqmasa o‘chiraman…

Sharob rangi ketadi,

Ketar siyoh dog‘i ham.

Ketarmikin, akajon,

Dilda dog‘ qoldirsa g‘am?..

O‘tmishda xato bisyor,

Ko‘ksimda alam g‘ij-g‘ij.

Bormikan xotirani

Tozalovchi o‘chirg‘ich?..

Yulduz O‘RMONOVA

“Jadid” gazetasi 2024-yil 1-mart 10-son


ÖZBEK-QOZOQ MADANIY HAMKORLIGI MUSTAHKAMLANMOQDA

Özbek va qozoq xalqlari tili, dini va madaniyati bilan bir-biriga çambarças boğlangan ellardir. Ajdodlarimiz ming yillar davomida yonma-yon yaşab, hayotning quvonç va taşvişlarini, yaxşi-yomon kunlarni birgalikda boşdan keçirib, taqdirdoş bölib kelişgan. Bu qardoşlik keyingi yillarda, ayniqsa, mustahkamlanib, yangiça mazmun va ruh bilan boyib bormoqda. Bu borada Özbekiston Respublikasi Prezidenti Şavkat Mirziyoyev hamda Qozoğiston Respublikasi Prezidenti […]

16.11.2026 | 14:34

img107

“BIR ÇORAK ET”

Yaqin-yaqinlargaça xalq tilida, badiiy adabiyotda “Tört qadoq göşt”, “bir çirpit asal”, “ön tanob yer” kabi jumlalar işlatib kelinardi. Hozir esa bular nimani anglatişini deyarli unutib yubordik. Qirq yilça burun “bir aşmuşka çoy”, “tört yumaloq çoy” kabi sözlar savdoda, turmuşda köp işlatilardi. “Aşmuşka” deb eng kiçik çoy qadoği – ellik grammlik, özi kub şaklida bölsa ham, […]

12.11.2026 | 14:31

img618

NON VA OŞ ŞAHRI

Yaqinda xorijlik oşnalarni kutib oldim. Uçoq tungi soat uçda qöndi. Ertalab sakkizda “Afrosiyob”da Buxoroga ketişlari kerak. Ölguday çarçaşgan, ramaqijon ahvolda. Özbekona taomilga köra, qönoqlar öziga kelsin deb palovxona sari boşladim. Uç xil oş çaqirdim. Non-çoy, aççiq-çuçuk  degandek… Qiziği keyin boşlandi. Mehmonlar piyolaning çetiga ikki marta lab tekkizib, ajablanişdi: – I-ya, qardoş, çoyga şakar solinganmi?– Ha-da! […]

12.11.2026 | 09:27

img614