Go‘zal Turkiston
0:00
/
Toshkent
temperature icon 10°C

“JADID” GAZETASINING YANGI SONIDA: ✏️Usmon NOSIR: BOĞIM ✏️Iqbol MIRZO: KELAJAK UÇUN MAS’ULIYAT ✏️Gulçehra UMAROVA: ASRNI BÖYLAGAN ADIB ✏️Komil SINDOROV: “JAVOHIR SINDOROVNING BOBOSI BÖLIB TANILDIM“ ✏️E’zozxon KARIMOVA: MILLIY YUKSALIŞ SARI ✏️Orif ODILOV: ÖZBEK-QOZOQ MADANIY HAMKORLIGI MUSTAHKAMLANMOQDA ✏️Nusratullo JUMAXÖJA: TADQIQOT-ROMAN ✏️Abbos ŞOYIMOV: XALQARO MEDIAFORUM ✏️Zikrilla MUHAMMAD: ANQARADA ADABIYOT BAYRAMI ✏️Ikrom BÖRIBOYEV: KEÇA VA BUGUN ✏️Muhayyo RUSTAMOVA: OG‘RIQ NUQTA ✏️Abdulhamid MUXTOROV: UYLAR SOYASIDA QOLAYOTGAN SAVOLLAR ✏️Jasmina ISROIL: SYUKURO MANABE – IQLIMŞUNOSLIK “OB-HAVOSI”NI ÖZGARTIRGAN NOBELÇI ✏️Rustambek ŞAMSUTDINOV: QONLI JILD ✏️Alişer SANDIBOYEV: SAMARQAND NEÇA YOŞDA? ✏️Nigina ISKANDAROVA: “KITOB, MENING DÖSTIMSAN” ✏️Jamoliddin BADALOV: “OLTIN QALAM” UMMON ORTIDA

TAVSIYA QILAMIZ


25.07.2024 | 17:13

img511

QANOT QOQAYOTGAN QIZ

Faol va tashabbuskor yoshlar hamisha hukumatimiz ardog‘ida. Ularni qo‘llab-quvvatlash, iste’dodini yuzaga chiqarish, ijtimoiy faolligini oshirish bugun har doim­gidan ham muhim. 30-iyun – Yoshlar kuni munosabati bilan mamlakatimiz rahbari bir qator faol va tashabbuskor yoshlarni mukofotladi. Ular qatorida Qoraqalpoq davlat universitetining 2-bosqich talabasi Gulayim Kuanishbayeva ham bor. Bu qizning shijoa­tiga, g‘ayratiga qarab odam o‘zi ulgurolmagan ishlar uchun uyalib ketadi.

Hayot Gulayimni sinovlarga soldi. Imkoniyati cheklangan qizaloq­ning taqdiri risoladagidek kechmasligini o‘ylash oila uchun og‘riqli edi. Bir umr kimningdir ko‘magida yashashi Gulayimni ham xijolatga qo‘yardi. Ota-onasi oldida o‘zini aybdor his qilar, ammo buni hech kimga sezdirmasdi.

– Oilada ikkinchi farzandman. Opam talaba. Onam ham, opam ham mening bu ahvolimga o‘zlarini aybdor deb bilayotganlarini sezaman. Biri “bu qizimni shunday dunyoga keltirdim”, deb qayg‘ursa, ikkinchisi “men yuraman-u, singlim yurolmaydi”, deb ko‘zini olib qochardi. Nega endi? Tug‘ilmasligim ham mumkin edi, ammo men borman. Fikrlayman, o‘qiyman, idrok qilaman, qiziqishlarim ustida ishlayman. Ota-onam­ning ko‘nglini ko‘tarishga urinaman. Buni uddalay olaman.

Uni tinglar ekanman, inson tafakkurini va odamiylik qiyofasini asosan mutolaa belgilashini yana ham chuqur anglayman. Ko‘p kitob o‘qigan odamgina shunday mulohazali, xotirjam va taqdirga rozi, insonparvar hamda hayotsevar bo‘lishi mumkin. Gula­yim bolaligidan gullarni, kapa­laklarni kuzatishni yaxshi ko‘­rardi. Adabiyotni sevardi. She’­riyat joni dili edi. Ertaksiz uxla­masdi.

– Ijodkorlik menga onamdan o‘t­gan. Yozganlari menga juda yoqadi. Birinchi ustozim ham – onam. Bolaligimda soch­la­rim­­ni tarab o‘tirib, menga ertaklar, she’rlar, hikoyalar aytib berardi. Hech qachon urishmas, ko‘nglimni og‘­rit­masdi. Besh yoshim­danoq o‘qishga intildim. Opam maktabda o‘zlashtirgan­larini menga ham o‘rgatardi. Unga havas qilib o‘qishni, sanash­­ni o‘rgandim. Qancha she’r­­larni teng­ma-teng yodlaganmiz. Hikoya­lar, ertaklar mazmuni yodim­da qolardi. Shunga bo‘lsa kerak, birinchi sinfdayoq kichik hikoyalar yoza boshladim.

Kitoblar – ulkan moʻjiza. Ular­ning ichida kichkina tashvish­lar ko‘rinmay qoladi. Juda yoshligim­dan kitoblar o‘qishni yaxshi ko‘rardim. Onam menga doimo kitob sovg‘a qilardi. Bir necha marta “Yosh kitobxon” tanlovida ishtirok etdim. Bu maydonda o‘zingni sinab ko‘rish shu qadar yoqimli, g‘ururliki, buni so‘z bilan aytib berolmayman. Qaysi bosqichga yetib kelmayin, men kitob­xonlik tanlovlaridan faqat hayot darsini oldim.

Yurtboshimiz tomonidan ada­biyot sohasiga ko‘rsatilayotgan e’tibor va g‘amxo‘rlikni yosh bir ijodkor sifatida har lahzada his qilib turaman. Atoqli qoraqalpoq shoiri va mutafakkiri Ajiniyoz Qo‘si­boy o‘g‘li tavalludining 200 yilligini keng nishonlash to‘g‘risi­da Prezident qarori imzolanishi qalam ahliga, ayniqsa, xalq ma’naviyati, adabiyoti uchun butun umrini bag‘ishlagan fidoyi ustozlarga bo‘lgan hurmat-ehtirom­ning bir­ namunasi bo‘ldi. Mazkur tari­xiy qaror doirasida o‘zbek va qoraqalpoq elining suyukli farzandi Ajiniyoz Qo‘siboy o‘g‘li­ning “Tanlangan asarlar”ini chop qilish, badiiy-publitsistik film yara­tish, shoir adabiy merosini o‘rga­nish mavzusida xalqaro ilmiy anjuman o‘tkazish, Mo‘ynoq tumanida ijodkorga yodgorlik o‘rnatish, ­uning nomi bilan ataluvchi ekopark barpo etish, Nukus davlat pedagogika institutida shoir muzeyini tashkil qilish kabi qator chora-tadbirlarning belgilanishi adabiyot targ‘iboti yo‘lidagi yana bir muhim qadamlardan biri, desak bo‘ladi. Ijodkorlar taqdiriga befarq bo‘l­magan, adabiyotsevar davlat rah­ba­riga qoraqalpoq yoshlari, qalam ahli nomidan tashakkur aytaman.

Gulayim Kuanishbayevaning ijtimoiy tarmoqlardagi sahifalarini kuzatib, katta asarlar tarjimasiga qo‘l urganiga guvoh bo‘ldik. Qiziq, u bunday jur’atni qayerdan topdi va yosh ijodkorni bunga nimalar undadi?

– “Turkiy olam” Yozuvchilar ittifoqi prezidenti Bayan Tilenshina ishonch bildirgandi, – izoh beradi Gulayim. – “Shu romanni o‘zing o‘qib ko‘r, ma’qul desang, tarjima qilarsan”. Roman qiziqarli ekan, tarjima qilib jo‘natgandim, muallif uni Chimkentda nashr ettirdi. Ana shunda ijodiy kuchimga ishonch paydo bo‘ldi.

Hozirda Qoraqalpog‘iston dav­­­­­lat universitetining Internet jurna­lis­tikasi bo‘limida tahsil olyapman. Talabalar qatorida ism-sharifim, o‘z o‘rnim borligidan baxtiyorman. Kelajakda tarjimonlik bilan jiddiy shug‘ullanib, qoraqalpoq va o‘zbek tilidagi badiiy asarlarni har ikkala xalqqa tanishtirmoqchi­man. Jurnalist sifatida ham xalqimga chin dildan xizmat qilishni istayman.

Gulayim Kuanishbayeva Qir­g‘i­­zis­ton Yozuvchilari uyushmasi, “Turkiy olam” hamda Dunyo ta­lantlilari ittifoqlari a’zosi. Yaqinda Olmaota shahrida o‘tkazilgan “Turkiy olam” yozuvchilarning III xalqaro qurultoyida ishtirok etdi. Yozganlari ingliz tiliga tarjima qilinmoqda.

– Ijod – mening qanotim. Qanot qoqib uchib yurgan odamga yura olishning uncha ahamiyati ham yo‘q. Hozircha uch kitobim nashrga tayyor. Yurtboshimiz o‘z qo‘llari bilan menga davlat mukofotini topshirib, chin dildan qutlar ekan, u kishining bildirgan yuksak ishonchi, ona xalqim ko‘magida shu obod Vatanimiz ravnaqi uchun bor imkoniya­tim­ni ishga solaman deb o‘zimga qat’iy so‘z berdim. Hech qachon oldimga qo‘y­gan ulug‘ maqsadlarimdan che­kin­mayman, og‘ishmayman.

Gulayim bilan suhbatlasha­yotib, undagi shijoat, intilish, fav­qu­lodda xotira, ko‘tarinki kayfiyat, jo‘shqinlik va qat’iyatga ha­va­­sim keldi. Qah­ra­monimiz yosh­­lar­ga, xususan, yosh qalam­kash­larga beri­layotgan imko­niyat va yaratilgan sharoit­lar­dan mana shunday unumli foy­da­lanyapti. Siz-chi, aziz yoshlar? 

Ma’mura ZOHIDOVA


ÖZBEK-QOZOQ MADANIY HAMKORLIGI MUSTAHKAMLANMOQDA

Özbek va qozoq xalqlari tili, dini va madaniyati bilan bir-biriga çambarças boğlangan ellardir. Ajdodlarimiz ming yillar davomida yonma-yon yaşab, hayotning quvonç va taşvişlarini, yaxşi-yomon kunlarni birgalikda boşdan keçirib, taqdirdoş bölib kelişgan. Bu qardoşlik keyingi yillarda, ayniqsa, mustahkamlanib, yangiça mazmun va ruh bilan boyib bormoqda. Bu borada Özbekiston Respublikasi Prezidenti Şavkat Mirziyoyev hamda Qozoğiston Respublikasi Prezidenti […]

16.11.2026 | 14:34

img93

“BIR ÇORAK ET”

Yaqin-yaqinlargaça xalq tilida, badiiy adabiyotda “Tört qadoq göşt”, “bir çirpit asal”, “ön tanob yer” kabi jumlalar işlatib kelinardi. Hozir esa bular nimani anglatişini deyarli unutib yubordik. Qirq yilça burun “bir aşmuşka çoy”, “tört yumaloq çoy” kabi sözlar savdoda, turmuşda köp işlatilardi. “Aşmuşka” deb eng kiçik çoy qadoği – ellik grammlik, özi kub şaklida bölsa ham, […]

12.11.2026 | 14:31

img606

NON VA OŞ ŞAHRI

Yaqinda xorijlik oşnalarni kutib oldim. Uçoq tungi soat uçda qöndi. Ertalab sakkizda “Afrosiyob”da Buxoroga ketişlari kerak. Ölguday çarçaşgan, ramaqijon ahvolda. Özbekona taomilga köra, qönoqlar öziga kelsin deb palovxona sari boşladim. Uç xil oş çaqirdim. Non-çoy, aççiq-çuçuk  degandek… Qiziği keyin boşlandi. Mehmonlar piyolaning çetiga ikki marta lab tekkizib, ajablanişdi: – I-ya, qardoş, çoyga şakar solinganmi?– Ha-da! […]

12.11.2026 | 09:27

img604